Телефон и WhatsApp
+7 (977) 922-97-68
Канон святителю Василию Великому
Песнь 1.
Ирмос: Грядите людие, поем песнь Христу Богу, раздельшему море, и проведшему люди, яже испусти из работы египетския, яко прославися.
Твоему гласу подобаше приити Василие, начати хотящим хвалы твоя. Но отче молбу прием, обычай подавай независтно нам.
Добродетелей ты жестокии шествовал еси путь, в гладкии достигл еси, и не сопротивныи небесныи восход. И всем явися образ Василие.
Страсное взыграние томящее плоть, любомудрия желанием наказал еси. Тем же в нетленных водворяешися царьствиих, отче Василие.
Душевныя страсти, благопотребно Василие, вкупе же и телесныя, духовным посекл еси мечем. Себе Владыце жертву принесл еси.
Слава. Ты, быв не изреченным таинник Василие, Христову царствию научил еси священне отче. Яве Троическии Свет облистал еси нам.
И ныне. Кто изрещи Твое достойно возможет, еже паче слова Зачатие. Бога бо родила еси плотию Пречистая, нам явльшася Спаса и Господа.
Песнь 3.
Ирмос: Утверди нас Собою Господи, древом умерщвеи прегрешения, и страх Твой всади в сердца наша, яко Человеколюбец.
Спритече Христову, и спросия память твоя отче, Рожеству. Его же несказанное таиньство, своими ученьми яве сотворил еси.
Страхом Господним утвержаемь, начало бо мудрости сей есть. Любовию лучшею вперися премудрости, о Василие.
Наказания быв всякого исполнь, не токмо долняго и попираемаго, много паче лучшаго, явился еси свет мирови, Василие.
Слава. Василие премудре, вшел еси деянием, и деяние в шествие видения Божественейша показа. И сущих разуму научил еси яве.
И ныне. Без семене во чреве Бога зачала еси, и раждаеши несказанно воплощаема. Нань же зрети не смеют Чистая небесныя силы, Приснодево.
Ирмос: Грядите людие, поем песнь Христу Богу, раздельшему море, и проведшему люди, яже испусти из работы египетския, яко прославися.
Твоему гласу подобаше приити Василие, начати хотящим хвалы твоя. Но отче молбу прием, обычай подавай независтно нам.
Добродетелей ты жестокии шествовал еси путь, в гладкии достигл еси, и не сопротивныи небесныи восход. И всем явися образ Василие.
Страсное взыграние томящее плоть, любомудрия желанием наказал еси. Тем же в нетленных водворяешися царьствиих, отче Василие.
Душевныя страсти, благопотребно Василие, вкупе же и телесныя, духовным посекл еси мечем. Себе Владыце жертву принесл еси.
Слава. Ты, быв не изреченным таинник Василие, Христову царствию научил еси священне отче. Яве Троическии Свет облистал еси нам.
И ныне. Кто изрещи Твое достойно возможет, еже паче слова Зачатие. Бога бо родила еси плотию Пречистая, нам явльшася Спаса и Господа.
Песнь 3.
Ирмос: Утверди нас Собою Господи, древом умерщвеи прегрешения, и страх Твой всади в сердца наша, яко Человеколюбец.
Спритече Христову, и спросия память твоя отче, Рожеству. Его же несказанное таиньство, своими ученьми яве сотворил еси.
Страхом Господним утвержаемь, начало бо мудрости сей есть. Любовию лучшею вперися премудрости, о Василие.
Наказания быв всякого исполнь, не токмо долняго и попираемаго, много паче лучшаго, явился еси свет мирови, Василие.
Слава. Василие премудре, вшел еси деянием, и деяние в шествие видения Божественейша показа. И сущих разуму научил еси яве.
И ныне. Без семене во чреве Бога зачала еси, и раждаеши несказанно воплощаема. Нань же зрети не смеют Чистая небесныя силы, Приснодево.
Седален, глас 8:
Премудрости Слова навык, и писание Закона отложь, всем проповедал еси благодати слово. И душам скрижали угладил еси словесы своими, в них же начертал еси божественая учения. Тем же и мрак прошед облаком покрова телесе, просиял еси духом святителю Василие. Моли Христа Бога, грехом оставление подати, чтущым любовию святую память твою.
Слава, и ныне. Радуйся яже от ангела миру Радость Приимшая. Радуйся, Рождьшая Творца твари. Радуйся, Сподобльшаяся быти Мати Христа Бога
Премудрости Слова навык, и писание Закона отложь, всем проповедал еси благодати слово. И душам скрижали угладил еси словесы своими, в них же начертал еси божественая учения. Тем же и мрак прошед облаком покрова телесе, просиял еси духом святителю Василие. Моли Христа Бога, грехом оставление подати, чтущым любовию святую память твою.
Слава, и ныне. Радуйся яже от ангела миру Радость Приимшая. Радуйся, Рождьшая Творца твари. Радуйся, Сподобльшаяся быти Мати Христа Бога
Песнь 4.
Ирмос: Услышах Господи, слух Твоего смотрения, и прославих Тя Едине Человеколюбче.
Украшается яко же Рожеством, Христова невеста Церкви, тако и памятию твоею преблаженне.
Непоборен явился еси, Богови сподобьствуя Василие, иже всем Того повелением покаряяся.
Церкви подастся от Бога, ограждение, и стена тверда, Василие всеблаженне.
Слава. Сопротивобожным, сечиво ты секателно, и огнь поядая прелесть, явися отче Василие.
И ныне. Молим Тя Чистая, яже Бога без семене заченшую, присно молити за рабы Своя.
Песнь 5.
Ирмос: Света Подателю, и веком Творче Господи, во свете Твоих повелении направи нас. Иного бо разве Тебе Бога не знаем.
Водити воистинну сугуб Церкви праздник днесь, Обрезания, яко Младенцу Владыце явльшуся на земли, и память раба мудра и треблаженна.
Неподвижимыи свет почив на тебе преподобне, пресветлу свещю мирови тя показа Христос. Тем же память твою поем Василие.
Иже все темно написанное в Синаи бытие Моисеом, ты сказая от Божественых сокровищ, начертал еси всем преблаженне Василие.
Слава. Ни законоположник Моисей, ни первее закона Иосиф бысть, иже по тебе пищи пшеницомеритель. Божественыя бо плоти, сам раздробитель явися Василие.
И ныне. Тебе рождьшей Христа, иже всему Содетеля, зовем. Радуися Чистая. Радуися яже Свет возсиявшая нам. Радуися вмещьшая Бога Невместимаго.
Песнь 6.
Ирмос: Бездна согрешении обыде мя последняя, но яко пророка Иону, Господи, Господи возведи из истления живот мой.
Напитал еси душа, тающыя гладом нищих, независтно. И алчущым сердца, всякаго насытил еси Василие Божественаго веселия.
Напитал еси богатно алчющыя, пищею небесною. Хлеб бо ангельскии есть слово твое Василие, им же изряден пшеницодавец был еси.
Собрал еси пчелныи, Василие любоболезнено, добродетели всяк цвет, и худог быв, в них же ублажаешися.
Слава. Потщался еси мира отлучитися, и с Богом пожити. Тем же нестоятелных и тленных, преблаженне Василие оставль, пребывающая, яко мудре стяжал еси.
И ныне. Спаси от бед стадо Твое Богородице, яко вси с Богом к Тебе прибегаем. Яко к Нерушимей Стене и Предстателнице.
Ирмос: Услышах Господи, слух Твоего смотрения, и прославих Тя Едине Человеколюбче.
Украшается яко же Рожеством, Христова невеста Церкви, тако и памятию твоею преблаженне.
Непоборен явился еси, Богови сподобьствуя Василие, иже всем Того повелением покаряяся.
Церкви подастся от Бога, ограждение, и стена тверда, Василие всеблаженне.
Слава. Сопротивобожным, сечиво ты секателно, и огнь поядая прелесть, явися отче Василие.
И ныне. Молим Тя Чистая, яже Бога без семене заченшую, присно молити за рабы Своя.
Песнь 5.
Ирмос: Света Подателю, и веком Творче Господи, во свете Твоих повелении направи нас. Иного бо разве Тебе Бога не знаем.
Водити воистинну сугуб Церкви праздник днесь, Обрезания, яко Младенцу Владыце явльшуся на земли, и память раба мудра и треблаженна.
Неподвижимыи свет почив на тебе преподобне, пресветлу свещю мирови тя показа Христос. Тем же память твою поем Василие.
Иже все темно написанное в Синаи бытие Моисеом, ты сказая от Божественых сокровищ, начертал еси всем преблаженне Василие.
Слава. Ни законоположник Моисей, ни первее закона Иосиф бысть, иже по тебе пищи пшеницомеритель. Божественыя бо плоти, сам раздробитель явися Василие.
И ныне. Тебе рождьшей Христа, иже всему Содетеля, зовем. Радуися Чистая. Радуися яже Свет возсиявшая нам. Радуися вмещьшая Бога Невместимаго.
Песнь 6.
Ирмос: Бездна согрешении обыде мя последняя, но яко пророка Иону, Господи, Господи возведи из истления живот мой.
Напитал еси душа, тающыя гладом нищих, независтно. И алчущым сердца, всякаго насытил еси Василие Божественаго веселия.
Напитал еси богатно алчющыя, пищею небесною. Хлеб бо ангельскии есть слово твое Василие, им же изряден пшеницодавец был еси.
Собрал еси пчелныи, Василие любоболезнено, добродетели всяк цвет, и худог быв, в них же ублажаешися.
Слава. Потщался еси мира отлучитися, и с Богом пожити. Тем же нестоятелных и тленных, преблаженне Василие оставль, пребывающая, яко мудре стяжал еси.
И ныне. Спаси от бед стадо Твое Богородице, яко вси с Богом к Тебе прибегаем. Яко к Нерушимей Стене и Предстателнице.
Кондак, глас 4:
Явися столп неподвижимыи Церкви, подая всем некрадомое богатьство земным, запечатлея твоими ученьми, небоявленне Василие преподобне.
Явися столп неподвижимыи Церкви, подая всем некрадомое богатьство земным, запечатлея твоими ученьми, небоявленне Василие преподобне.
Песнь 7.
Ирмос: Телу златому премудрыя дети не послужиша, и в пламень сами поидоша, и боги их обругаша. Среди пламене возопиша, и оброси их Ангел, услышася уже уст ваших молитва.
Образ Отечь Сын, и Сыну Дух есть. Ты же Духу, о Василие несквернено зерцало, дом же всей Троице. Блаженна память твоя, и славящии ея возпрославляются.
Углубив ум, во глубины Божия не постижимыя. И собрав многоценныи ты бисер разума, наполнил еси мир премудрости. И звати научил еси, благословен Бог отец наших.
О едино дохновение ума, священных супруг. Иже яко едина душа, во двою телеси неразделно, в Григории Василие, желанием Божественым совокуплени, в Василии же Григорие, ныне молите Христа о стаде вашем.
Отец сирым, и вдовицам защитник, и богатьство нищим. Болящим утешение, и сущим в богатьстве окормление. Старости жезл явися, и наказание юности. И инокующым добродетели правило, Василие.
Слава. Очищь от всякого тиннаго сквернения ум Василие, посетил еси духовная желанным ти духом. Тем же воспевая Троицу, с дерзновением взываше, благословен Бог отец наших.
И ныне. Тя купину Моисей, в горе Синайстей огнем палящу Чистая провидяше. Приемшую не опално непостоянную зарю, Неизглаголаннаго Существа. Соединьшуся дебельством плоти, во Един иже в Ней святых Состав.
Песнь 8.
Ирмос: Неизреченною мудростию составльшаго всяческая, Бога Слова, и от несущих в бытие приведшаго, благословите дела Господня Господа.
Иже несказанным промышлением, даровавшаго Василия мирови свет благочестия, трубу же богословия, благословите вся дела Господня Господа.
Иже богатным действом всельшася в мудраго Василия, и тем благочестно богословльшаго, благословите дела Господня Господа.
Иже божественых твоих словес наслаждьшиися Василие, непрестанно в твоей памяти торжествующе вопием, благословите дела Господня Господа.
Слава. Зарю словес послал еси Василие мирови, светом наставляющю Едино чтити Троическое Естество. Благословите дела Господня Господа.
И ныне. Иже от Отца прошедшаго прежде век, и безлетнаго Бога Слова, и в последняя восиявша от Девы, благословите вся дела Господа.
Песнь 9.
Ирмос: Яже прежде Солнца светильника Бога восиявша, плотию к нам пришедша из боку Девичу, неизреченно вочеловечьшася, Благословеная Чистая, Тя Богородице величаем.
Перваго пастыря, яко овча верно Христово Василие, живоносным стопам последовал еси. Мучителю бо свою душю отче предал еси доблественне, и прежде в беде сущи Церкви, всеблаженне.
Церковное всесвященное Христово видев совокупление, твоим украшено святительством мудре. Всегубитель яко от грома тресновен быв, падеся мучитель. Сущия бо иже в тебе Духа зари нестерпе, Василие.
Слава. Апостольским седалищем, ликом же страдалец Христовых, патриарх сени, и праведных пищи, и радости пророк, сподобися Василие. Богородице бо служитель, и Троице таинник был еси.
И ныне. Иже напраснаго древняго погубления осуждение, и праматере исправление, юже к зиждителю мост, тя Богородице величаем.
Ирмос: Телу златому премудрыя дети не послужиша, и в пламень сами поидоша, и боги их обругаша. Среди пламене возопиша, и оброси их Ангел, услышася уже уст ваших молитва.
Образ Отечь Сын, и Сыну Дух есть. Ты же Духу, о Василие несквернено зерцало, дом же всей Троице. Блаженна память твоя, и славящии ея возпрославляются.
Углубив ум, во глубины Божия не постижимыя. И собрав многоценныи ты бисер разума, наполнил еси мир премудрости. И звати научил еси, благословен Бог отец наших.
О едино дохновение ума, священных супруг. Иже яко едина душа, во двою телеси неразделно, в Григории Василие, желанием Божественым совокуплени, в Василии же Григорие, ныне молите Христа о стаде вашем.
Отец сирым, и вдовицам защитник, и богатьство нищим. Болящим утешение, и сущим в богатьстве окормление. Старости жезл явися, и наказание юности. И инокующым добродетели правило, Василие.
Слава. Очищь от всякого тиннаго сквернения ум Василие, посетил еси духовная желанным ти духом. Тем же воспевая Троицу, с дерзновением взываше, благословен Бог отец наших.
И ныне. Тя купину Моисей, в горе Синайстей огнем палящу Чистая провидяше. Приемшую не опално непостоянную зарю, Неизглаголаннаго Существа. Соединьшуся дебельством плоти, во Един иже в Ней святых Состав.
Песнь 8.
Ирмос: Неизреченною мудростию составльшаго всяческая, Бога Слова, и от несущих в бытие приведшаго, благословите дела Господня Господа.
Иже несказанным промышлением, даровавшаго Василия мирови свет благочестия, трубу же богословия, благословите вся дела Господня Господа.
Иже богатным действом всельшася в мудраго Василия, и тем благочестно богословльшаго, благословите дела Господня Господа.
Иже божественых твоих словес наслаждьшиися Василие, непрестанно в твоей памяти торжествующе вопием, благословите дела Господня Господа.
Слава. Зарю словес послал еси Василие мирови, светом наставляющю Едино чтити Троическое Естество. Благословите дела Господня Господа.
И ныне. Иже от Отца прошедшаго прежде век, и безлетнаго Бога Слова, и в последняя восиявша от Девы, благословите вся дела Господа.
Песнь 9.
Ирмос: Яже прежде Солнца светильника Бога восиявша, плотию к нам пришедша из боку Девичу, неизреченно вочеловечьшася, Благословеная Чистая, Тя Богородице величаем.
Перваго пастыря, яко овча верно Христово Василие, живоносным стопам последовал еси. Мучителю бо свою душю отче предал еси доблественне, и прежде в беде сущи Церкви, всеблаженне.
Церковное всесвященное Христово видев совокупление, твоим украшено святительством мудре. Всегубитель яко от грома тресновен быв, падеся мучитель. Сущия бо иже в тебе Духа зари нестерпе, Василие.
Слава. Апостольским седалищем, ликом же страдалец Христовых, патриарх сени, и праведных пищи, и радости пророк, сподобися Василие. Богородице бо служитель, и Троице таинник был еси.
И ныне. Иже напраснаго древняго погубления осуждение, и праматере исправление, юже к зиждителю мост, тя Богородице величаем.